GAIA
Cía. Entremáns | 2018
Dirección, creación, coreografía e interpretación
Kirenia Martínez e Estefanía Gómez
Espazo sonoro
Carla López e Iago Mouriño
Atrezzo e decoración
Equipo Creativo RTA (Xacobo) e Compañía Entremans
Deseño de iluminación
Equipo Creativo RTA (Diego Vilar)
Audiovisual
Equipo Creativo RTA
Arte Imaxe
Gosia Trebacz
Vestiario
Santos Salgado e Compañía Entremans
Produción e distribución
Artestudio Xestión Cultural
Sinopse
Entremans presenta unha peza didáctica para público familiar “Gaia”. Realiza, así, o seu segundo espectáculo infantil, logo da boa acollida que tivo a nivel nacional o seu anterior espectáculo “Xoga”. “Gaia” reflexiona sobre un tema de suma importancia hoxe en día: o noso planeta. Un proxecto no que a idea fundamental é achegar coñecementos desde unha óptica visual e imaxinativa.
O noso fogar, a Terra, está cambiando rapidamente… Debemos atopar unha forma de vida máis respetuosa para protexer o planeta e o noso medio ambiente.
Gaia perténcenos a todas e todos. Podemos debuxar xuntas e xuntos, un mañá feliz e un mundo a toda cor.
Gaia é un percorrido singular no que a pintura, a música, o audiovisual e a danza nos axudan a descubrir e comprender a intensidade, o poder e a beleza das características do noso planeta e os seus tesouros naturais. Unha historia en movemento para descubrir as características da terra, os mares e a atmósfera así como a interacción entre as persoas e o medio ambiente.
Estrea
03/03/2018
Auditorio de Mera - Concello de Oleiros
Duración
50 min