PIES DE PLOMO
Declaro danza / Clara Ferrao Diz | 2016
Coreografía, dirección e interpretación
Clara Ferrao Diz
Son
Buddy Guy e Henri Schwartz
Iluminación
David Arredondo
Foto
Beatriz Molinar e Humberto Romero
Sinopse
Pies de plomo nace da idea de que algúns soños viaxan ata o noso inconsciente
para que os traballemos alí, onde non nos distraen nin nos angustian tanto.
O noso cerebro non para de pensar, predecir e imaxinar, utiliza a mayor parte da
nosa enerxía nisto. Mentras durmimos amaina un pouco a súa actividade. Quizais
nos soños todo sexa un pouco máis real. A locura dos soños, mantennos ocupados
nunha sorte de “tonterías”. Unha noite de soños é unha noite aproveitada. “Todos
soñan o que son aínda que ningún o entende”.
Solemos durmir de noite porque o noso ciclo axústase con Zeitgeber, o sincronizador
do tempo externo. Pero se o meu ciclo circadiano do soño é de máis de 24 horas,
dame a sensación de que estou a perder días de vida. Os meus movementos perden
rapidez pola noite. Preciso luz para continuar ou engancharme á noite para soñar.
O ritmo do meu corpo, o ritmo do meu soño, adáptanse ao ambiente para crear a
música da miña viaxe.
A observación da miña gata Gypsy tivo unha gran influencia na calidade de movemento
de Pies de plomo. Unha gatiña ou unha pantera, ou simplemente unha muller que
fíxose miles de cuestións sobre a súa formar de crear. Todas esas cuestións, medos,
indecisións que apareceron durante a creación da peza, son ahora, parte indispensable
dela.
Pies de plomo foi para min como cando buscas algo ao que lle tes moito aprecio, canto
máis o buscas máis desesperas, pero non aparece. E no momento no que deixas de
buscalo e asumes a súa ausencia e aprecias todo o valor que posee, aparece como
por arte de maxia.
Estrea
07/07/2016
Festival Corpo a Terra - Ourense
Duración
25-30 minutos
Premios
Premio de residencia en nunArt do “Certamen Coreográfico Distrito de Tetuán”
Premio beca Enxebre do “Certame de artes do corpo”
