SOMA 

 Javier Martín| 2019 

Coreógrafo e investigador

Javier Martín

Escultor ambientalista e performer

Joaquín Lara

Iluminación

Octavio Más

Ambiente sonoro

Artur M. Puga

Produción e acompañamento

Sabela Mendoza

Residencia de creación

L'animal a l'esquena

Coproduce

Centro Dramático Galego

Sinopse

“O barro mira ao barro e comprende que é belo”

SOMA é unha experimentación escénica e matérica que se concentra no estudo do corpo e do movemento como sombra e fragmento. A medida e o peso son expresión da súa potencia e desaparición, a súa necesaria fenda e abismo. Un sair do rito.

Instalación e performance que bailarín, escultor, iluminador e músico comparten, transitando por diferentes estados físicos, conceptos estéticos e calidades de movemento, relacionándose e difuminando roles mediante esculturas, materiais, ambentes, obxectos e coreografías que se van despregando nun espazo conformado ante o espectador. 

Un corpo ou a apariencia dun corpo, que se mostra durante algún tempo, e que está conformado polas materias que o atravesan e orbitan. Un baleiro que en realidade non se deixa encher, sen nome ou forma última ou verdadeira.

Non tratamos cunha metáfora pola que o obxecto presente se convirte en alusión a un obxecto ausente, senon máis ben no movemento cara un grao cero de significación, cara un baleiro de significante.

O estado de conciencia alterado transporta a unhas zonas que nno se escolleron: saberes inferiores, locais, discontinuos, non centralizados, diferenciais, incapaces de unanimidade.

Nunca se deixa ver de todo pero tampouco se retracta sobre si mesmo de todo. Faise coherente a partir dos seus residuos, seus ruidos e seus erros.

Estrea

24/05/2019

Salón Teatro - Santiago de Compostela

Duración

xx  minutos

www.javiermartin.gal

  • Facebook
  • Instagram Galicia Danza