manulago 

EMERXE

ALEJANDRA BALBOA + CLARA FERRAO + MARCIA VÁZQUEZ

Xornada de danza para rúa ou espazos non convencionais | 45 minutos

PORTADA EMERXE HORIZONTAL.jpg

 

Emerxe é a reunión de tres creadoras galegas emerxentes.

 

Emerxe é unha xornada de contacto coa danza contemporánea para todos os públicos. Parte dun programa de formación e experimentación do movemento nos corpos para diferentes públicos (nenxs, adolescentes, adultxs,..) para logo situarse fóra e desfrutar dos espectáculos das tres creadoras: Alejandra Balboa, Clara Ferrao e Marcia Vázquez. 

Estas tres pezas en solitario son creados polas intérpretes e teñen como nexo a relación do seu propio corpo cunha mesma e co entorno máis inmediato. E poderiamos definilo concretamente como a relación de Alejandra Balboa cos impulsos internos, a relación de Marcia Vázquez co contexto social onde se sitúa o seu corpo, e a relación de Clara Ferrao cos factores externos máis próximos a ela. 

A actividade expandida dos tres obradoiros realízase pola mañá e ten unha duración de 3 horas. 

O programa de exhibición das tres pezas realízase na mesma xornada pola tarde e ten unha duración de 45 minutos. 

Vertebrata de Alejandra Balboa

 

Duración: 

10 min.

 

Ficha:

Creación e intepretación: Alejandra Balboa 

 

Sinopse:

Non deixo que nada entre en min sen retumbar, sen controlar a intensidade coa que habitan, chocan e incluso explotan. Ás veces parece que descansan, pero rapidamente percorren todo o espazo que poden para facerse notar.

Limítome a intentar apagalas. Penso, ilusa, que cando me volvan a petiscar, entendereinas con claridade.

Pero non. Non consigo que durman.

Temo que a miña paz quedará reducida aos pequenos momentos nos que o aire consiga entrar e sair do meu corpo sen dificultade.

 

Mencións:

Finalista no Certame de Creación de dúos e solos do Festival SóLODOS En Danza / Ourense / 2020.

Premio a Mellor Intérprete na IV Plataforma Diálogos Contemporáneos do Festival DZM de Cáceres 2021.

Onde pousa a humidade de Marcia Vázquez

 

Duración: 

15 min.

 

Ficha:

Creación e interpretación: Marcia Vázquez Ramírez

Asesoramento escénico: Carmen Larraz, Paula Ramis Muñoz e Raquel Jara

Música: Mercedes Peón - Momentos, Leilía - O meu amor

Voces en Off: Documental Línea 900 - Costa da Morte

Ambiente sonoro: Guillermo Alfaro e Marcia Vázquez

 

Sinopse:

Onde pousa a humidade é un solo que profunda na espera e a súa relación co corpo en tempo presente e pasado. Inspírase na Costa da Morte, Galiza, unha das costas con máis naufraxios de Europa. “Unha homenaxe ás mulleres, as que sempre agardan a que o océano lles devolva, polo menos, os restos de ósos dos seus parentes.

Mentres, o sal cuartea as súas mans que tecen, rede a rede, o que as mantén en terra”.

 

Miñaxoia de Clara Ferrao

 

Duración: 

13 min.

 

Ficha:

Dirección: Maximiliano Sanford Monte

Interpretación: Clara Ferrão Diz

Música: Jambinai e Roger Goula

 

Sinopse: 

“Un corpo, unha vibración, un croque, unha fractura. Non me destrúe. Esta situación non se ten en conta, e eu, miñaxoia, confío en que isto vai cambiar. Ás veces todo parece invisible, só está o corpo, só o cansanzo, só o movemento inagotable que me permite recoñecer onde me atopo. A casualidade organizada abre un espazo en branco no que poder entrar. O corpo difumínase, atopa unha nova vibración. O corpo transfórmase, haberá unha solución que descoñezo.”


 

Mencións:

Premio mellor intérprete en La Espiral Contemporánea de Santander 2019

Premio do público no Certame de Artes do Corpo Doutras, Ourense 2019

Premio mellor intérprete en DZM Diálogos Contemporáneos 2019. Cáceres

Miñaxoia de Clara Ferrao
Miñaxoia de Clara Ferrao

Foto Elías Aguirre

press to zoom
Onde pousa a humidade de Marcia Vázquez
Onde pousa a humidade de Marcia Vázquez

Foto Francisco Ares

press to zoom
Vertebrata de Alejandra Balboa
Vertebrata de Alejandra Balboa

Foto Ángel Sousa - Propulsa

press to zoom