maqueta logo glovo letras brancas.png
  • Facebook
  • Instagram

Colectivo Glovo nace no 2016 baixo a dirección de Esther Latorre (España) e Hugo Pereira (Portugal), xerando así un espazo de creación onde ambos, intérpretes e coreógrafos, desenvolven conxuntamente a súa faceta máis imaxinativa.

Residentes en Galicia dende 2019, traballan na creación da escena tanto para teatros coma espazos non convencionais, xa que un dos seus principais obxectivos coma compañía é aumentar as dimensións do alcance das dinámicas do corpo.

Glovo admite a súa paixón pola linguaxe do movemento e persegue a investigación das novas expresións escénicas partindo do propio corpo sen limites establecidos.

Ademáis, e paralela a esta faceta creativa, a cía. busca aportar semente ao tecido artístico presente na comunidade xerando espazos de colaboración com outras agrupacións e artistas procurando o achegamento entre o maior número de creadores, intérpretes e mentes-corpo inquedas.

Dende a súa fundación no 2016, Colectivo Glovo percorreu diferentes países coma España, Portugal, Italia ou México, entre outros. Coa súa primera peza M A P A, recibiu mencións en festivais coma Corto In Danza (Italia), La Espiral Contemporánea (Santander), así como o premio do público no Certame Coreográfico Internacional de Solos e Dúos Sólodos En Danza (Ourense) ou o Primeiro Premio no Certamen Coreográfico Internacional de Burgos & New York – Bailando con piedras.

Formou parte do circuito Red Acieloabierto 2020 e dende 2018 colabora coa firma de moda Adolfo Domínguez (Premio Nacional de Deseño de Moda 2019)

Esther Latorre

Galega de nacemento, completa a súa carreira especializándose e granduándose en danza contemporánea no Conservatorio Profesional de danza de Lugo, formando parte da que sería a primera promoción de profesionais de danza contemporánea de Galicia, diplomándose tamén en Maxisterio de Educación Física na mesma cidade.

Dende entón, traballou con compañías como Jove Companyia de Danza Gerard Collins (Valencia), Moudansa (Valencia), Companhia de Dança do Norte (Portugal), compañía Maduixa Teatre (galardoada có Premio Max ao Mellor Espectáculo de Rúa por “Mulïer”; Premi Moritz Millor Estrena de Carrer 2016; Premio Umore Azoka 2017 (País Vasco) e Premio Artes Escénicas Valencianas del IVC en 2018) ou na coproducción do Centro Coreográfico Galego “E_Migrantas” baixo a dirección de Kirenia Martínez.

Foi tamén merecedora do primeiro premio no Certame coreográfico Delmar (Valencia) coa peza “Aliquam” (coreografía e interpretación propias) e gañadora do Premio a Mellor Intérprete de Danza Contemporánea no 11º Certame de danza Gerard Collins.

Desde 2016 é codirectora do Colectivo Glovo.

Hugo Pereira

Natural de Porto, comeza a súa formación no Conservatorio de danza JOBRA, onde graduara-se no 2015. Recibe diversas formacións en danza con mestres como Akram Khan Dance Company, Sagi Gross (GrossDanceCompany, NEDERLANDS), Shirley Esseboom (NEDERLANDS), Víctor Hugo Pontes (Nome Proprio, PORTUGAL), Inês Negrão (PORTUGAL), Bruno Alexandre (PORTUGAL), Carmela García (Otradanza, ESPAÑA), Julia Weh (ALEMANIA), Romulus Neagu (PORTUGAL)...

Formou parte da Companhia de Dança do Norte na produción de 2015-2016 “Barulhos Nossos” e participou en diversos festivais nacionais e internacionais de creación.

Actualmente está centrado na codirección de Colectivo Glovo, participando en festivais nacionais e internacionais. Cabe destacar a súa colaboración coa firma de moda Adolfo Domínguez (Premio Nacional de Moda 2019).