INTEMPESTIVA

ELAHOOD

Espectáculo de danza | Rúa e espazos non convencionais | 15 ou 17 min.

www.elahood.com

PREMIO MELLOR PEZA | IV PLATAFORMA DIÁLOGOS CONTEMPORÁNEANEOS | FESTIVAL DZM

1º PREMIO CERTAMEN COREOGRÁFICO DE MADRID 2021 E PREMIO DA CRÍTICA

25/07/2021 | ESTREA | Propulsa Danza + Paisaxe + Patrimonio

Serse Intempestiva.

Os corpos de Elahood entran nun xogo de identidades coa figura e obra de Xela Arias. Xénero, identidade galega, raíces e precariedade entrelázanse para cuestionar que é facer algo de proveito.

INTEMPESTIVA
1. Que se fai ou ocorre nun momento que non convén.
2. Que non é o máis apropiado, por non ser o habitual ou acostumbrado.

Como a poesía de Xela, Elahood sempre está na dúbida de cal é o lugar correcto, rexeitando os canons tradicionais e mostrando una certa “rebeldía” na súa creación. Un limbo no que costa atopar o equilibrio, apostar por unha linguaxe persoal que atende á creación contemporánea baixo os movementos culturais urbanos.

Os puntos de encontro entre a linguaxe de Elahood e a poesía de Xela Arias son constantes. Na súa obra, Xela atopa nas rúas e nos espazos públicos os coidados e os afectos. As danzas urbanas tamén xurden nas rúas e clubes, acompañadas de movementos sociais que fomentan o intercambio intercultural e a creación dunha identidade compartida.

Intempestiva plantéxase como un exercicio de liberdade e de desobediencia. Xela Arias fai poesía en movemento, con contrastes, dinamismo, xogando coas regras ortográficas e os formatos, tamén a danza da compañía galega xoga con ritmos, fragmentacións, contrastes e desequilibrios. Intempestiva traslada os versos de Xela Arias aos corpos de Elahood, nunha viaxe compartida coas audiencias, desde unha mirada feminina desbordada no movemento e na danza.

Un retrato en movemento da axitación creativa das novas xeracións.

Dirección e interpretación

Sabela Domínguez e Julia Laport

Dramaturxia

Gena Baamonde

Música

LLXNTO & Bruno Baw

Vídeo

Iria Casal

Fotografía

Manu Lago

Produción